اعتکاف کروں گی

✍*اعتکاف کروں گی*

تحریر. دُرِّ_صــدفـــ_ایــمــان

ثمرین جیسے  ہی گھر میں داخل ہوئی بلند آواز سے اعلان کیا کے اس بار وہ بار اعتکاف کرے گی، سب  نے ہی تائید کی اور انیسویں روزے کو ثمرین نے اپنی تمام تیاری مکمل کرلیں  فیشل بھی کروالیا، اور بیسویں روزے کو اہتمام کے ساتھ اعتکاف کی نیت سے گوشہ نشین ہوگئی دوران اعتکا ف ثمرین کے فرمائشی پروگرام بھی چلتے رہے، اور نخرے بھی یہ کھانا ہے وہ نہیں، گھر والے بھی اہتمام سے خوشی خوشی فرمائش پوری کردیتے آخر اعتکاف میں بیٹھی تھی الوداع جمعہ کو نیا سوٹ بھی چاہیے تھا، گھر والے خوشی و فخر سے ہر آنے جانے والے کو اطلاع دیتے کے ثمرین اعتکاف کر رہی ہے.. اور وہ بے چارے التجائیہ انداز میں پردے پاس کھڑے ہوکر ثمرین سے لازمی و ضرور #دعا_کرنا کی درخواست کرتے اور پھر رخصت ہوتے
خیر ماشااللہ سے اعتکاف میں ان ناز نخروں کے علاوہ عبادات  بھی کی گئی نوافل بھی اداکیے گئے قرآن پاک بھی دہرایا گیا .....
اور خیر و عافیت کے ساتھ اعتکا ف مکمل ہونے کا دن بھی آ پہنچا گھر والے خوشی سے اور پرجوش طریقے سے معتکفہ کو اعتکاف  سے باہر لانے کے لئے تیاریاں کر رہے تھے ساتھ ہی ان مہمانو ں کے استقبال کی تیاری بھی کررہے تھے  جنہیں معتکفہ کے لئےہار ،پھول، مٹھائی، کیک، اور تحائف بھی لانے تھے
اور ہوا بھی یہی چاند نظر آنے کا ا علان ہونے کے کچھ ہی دیر بعد مہمانوں کا تانتا بندھ گیا، اور ہاروں .پھولوں تحائف کاڈھِیر لگ گیا، مہمانو ں سے فخریہ طور پر ملا گیا مہمانوں کے جانے کے بعد گفٹس کے رپیر اترے .تعریف و تنقید سٹارٹ ہوئی ......اور ساتھ ہی غیبت بھی، گفٹس پر تبصرہ آرائی کے بعد ....بیچارے ان لوگو کی شامت آئی جن سے معتکفہ کو ہار نہ ڈالنے کا جرم سر زد ہوا تھا .....
امی برابر والی حرا کو معلوم بھی ہے کے میں اعتکاف میں بیٹھی ہوں ...پھر بھی نہیں آئی، ہار نہیں لاتی کم از کم مبارک باد ہی دینے آجاتی .....
اس کے بعد کیوںکہ  اگلے دن عید تھی اور تیار ہونا بھی ضروری تھا .....تو ثمرین اپنی بہن اور بھابھی کے ساتھ اپنی سروس کے لئے پارلر روانہ ہوگئ ....
رات گئے مہندی ،آئی برو ،و دیگر لوازمات سے فارغ ہو کر گھر لوٹ کے آئی اور سوگئی ....اگلے دن دس بجے خیر سے صبح ہوئی ......اور پھر پورا دن عید منانے ،ملنے ملانے ،انجوائے کرنے میں گزر گیا، سنت اعتکاف کے بعد نہ فرض نماز یاد رہی نہ ہی کچھ اور.......
یہ وہ منظر تھا جو آج کل زیادہ تر گھروں میں روایت بن گیا ہے بلکہ اعتکاف عبادت نہیں سنّت کی ادائیگی نہیں ،فرض کفایہ نہیں ،.......فیشن  تقویٰ اور عبادت گزاری دکھانے کا ایک ذریعہ بن گیا ہے ........

ذرا سوچیں ....رمضان تک ہم کیا ہوتے ہیں ...اور عید پر فرض نماز بھی نہیں ہوتی ......
ذرا سوچیں ....اس سال آپ کو کیسا اعتکاف کرنا ہے ....اور اس کے بعد کیا کرنا ہے ؟؟؟؟ یا اسی روش پر رہنا ہے ؟؟؟؟
میں نے پیغام دے دیا عمل کرنا اور دوسروں تک پہنچانا اب  آپ کا کام ہے.....

#از_قلم #دُرِّ_صــدفـــ_ایــمــان